हामी सबैकाे संसारन्यूज

२३ मङ्सिर , कालीकोट । शुभकालिका गाउँपालिका–३ बस्ने पृथ्वी बहादुर शाहीको घरमा आइतबार राति आगलागी हुँदा आगोले जलेर उनकै १५ वर्षीया छोरी हिरु शाहीको मृत्यु भएको छ ।

आगो बाली सुतीरहेको अवस्थामा उक्त आगो नजिकै रहेको परालमा सल्किएर घरमा समेत आगलागीमा हुँदा गम्भीर घाइते भएकी उनको जिल्ला अस्पताल कालिकोट हुँदै थप उपचारको लागि सुर्खेततर्फ लैजाने क्रममा बाटोमै मृत्यु भएको हो । साथै आगलागीमा परी घाइते भएकी पृथ्वीकी १२ वर्षीया छोरी शर्मिला शाहीको प्रदेश अस्पताल सुर्खेतमा गम्भीर अवस्थामा उपचार भईरहेको छ ।

स्थानीय बासिन्दाको सहयोगमा आगलागी नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ ।