हामी सबैकाे संसारन्यूज

२४ मंसिर, काठमाडौं । युरोपियन च्याम्पियन्स लिग अन्तर्गत गएराति भएको समुहचरणको अन्तिम खेलमा युभेन्ट्सले बार्सिलोनालाई पराजित गरेको छ । बार्सिलोनाको घरेलु मैदान क्याम्प नोउमा भएको खेलमा रोनाल्डोको दुई गोलका साथ समग्रमा युभेन्टस्ले ३-० ले जित हात पा¥यो ।

युभेन्ट्सको जितमा क्रिस्टियानो रोनाल्डोले पेनाल्टी मार्फत दुई गोल गरेभने खेलको २०औं मिनेटमा वेस्टन म्याकेन्नीले एक गोल गरे । ७५औं मिनेटमा लियोनार्दो बोनुचीले गरेको गोल भने भिएआर रेफ्रीले अफसाइड गोल भएको भन्दै मान्यता दिएनन् ।

लिग चरणको यस अघिको खेलमा बार्सिलोनाले युभेन्ट्सलाई २-० गोल अन्तरमा पराजित गरेको थिायो । उक्त खेलमा स्टार फर्वाड क्रिष्टियानो रोनाल्डो कोरोना पोजेटिभ आएका कारण खेल्नबाट बन्चित भएका थिए । रोनाल्डो टिममा फर्किएसँगै युभेन्ट्सले बार्सिलोना माथि सानदार जित निकालेको हो ।

यस अघिनै दुबै टिम दोस्रो चरणमा प्रवेश गरिसकेका थिए । गयरातिको जितसँगै युभेन्टस् १५ अंकका साथ समुह बिजेता बनेको छ । समान खेलबाट समान अंक जोडेको बार्सिलोना भने हेट टु हेड मा पछाडि पर्दै दोस्रो स्थानमा रहदै दोस्रो चरण प्रवेश गरेको छ ।

सन् २०१८ पछि पहिलो पटक मेसी र रोनाल्डो एक अर्काविरुद्ध मैदान उत्रदा रोनाल्डोले दुई गोल गर्दै  आफ्नो टिमलाई जित दिलाउदा  मेस्सिले भने आफ्नो टिमलाई हारबाट जोगाउन सकेनन् ।