हामी सबैकाे संसारन्यूज

२५ मंसिर, काठमाडौं । रियल मड्रिड बोरुसिया मोन्चेनग्लाडबाकलाई पराजित गर्दै अन्तिम १६ मा प्रवेश गरेको छ । रियलका लागि करिम बेन्जामाले दुई गोल गर्दै खेलमा जित हात परेको हो ।

जित्नैपर्ने दबावमा रहेको खेलमा रियलले जर्मन क्लब बोरुसिया मोन्चेनग्लाडबाकलाई २-० ले पराजित गरेको हो । रियलका लागि बेन्जामाले ९ र ३१ औं मिनेटमा गोल गरेका थिए । जितसँगै समुह चरणको अन्तिम खेलमा जित निकाल्दै ६ खेलबाट १० अंक जोड्दै रियल समुहको शिर्ष स्थानमा रहदै दोस्रो चरण प्रवेश गरेको हो ।

सोहि समुहको अर्को खेलमा युक्रेनी क्लब साख्तर डोनेस्क र इटालियन क्लब इन्टर मिलानसँग गोलरहित बराबरी खेल्दा जर्मन क्लब बोरुसिया मोन्चेनग्लाडबाक अन्तिम १६ मा प्रवेश पायो । रियलसँग पराजित भए पनि ६ खेलबाट ८ अंक जोडेको मोन्चेनग्लाडबाक समूह उपविजेता बन्दै अन्तिम १६ मा प्रवेश गरेको छ ।