हामी सबैकाे संसारन्यूज

२८ मंसिर, काठमाडौं, । प्रमुख प्रतिपक्ष दल नेपाली काँग्रेसले मंसिर २९ गते गर्न लागेको देशव्यापी प्रदर्शनका लागि विभिन्न नाराहरु तय गरेको छ ।
सरकारको सर्वसत्तावाद र भ्रष्टाचारको विरुद्धमा गर्न लागेको विरोध प्रदर्शनका लागि काँगेसले नारा निर्धारण गरेको हो ।

संघीय, लोकतान्त्रिक, गणतन्त्र नेपाल – जिन्दावाद !, नेपाली काँग्रेस – जिन्दावाद ! सर्वसत्तावादी ओलि सरकार – मुर्दावाद !,चारैतिर भ्रष्टाचा।– जनताले चिन्यो ओलि सरकार !, तनहुँमा भएको दुव्र्यवहार –अपमान र अत्यातार !, बढ्यो महिला हिंसा र बलात्कार– अकर्मण्य भो ओलि सरकार!, अति भो अति भो – मुलुककै छवि क्षति भो !, जनता कोरोनाको मारमा – नेकपा सत्ताको जितहारमा !, औषधी छैन, मल छैन–सत्ताको लडाई लाज छैन !, नेपाली काँग्रेस जिन्दावाद– लोकतान्त्रिक समाजवाद जिन्दावादको नारा तय गरेको मुख्य सचिव कृष्ण प्रसाद पौडेलले जानकारी दिए ।

यसैबीच नेपाली कांग्रेसको भ्रातृ संगठन नेपाल विद्यार्थी संघले पार्टीले गर्न लागेको देशव्यापी विरोध प्रर्दशनको पूर्वसन्ध्यामा सिठ्ठी फुक्ने कार्यक्रम गर्न लागेको छ ।

प्रधानमन्त्री केपी ओली नेतृत्वको सरकारको विरोधमा विभिन्न स्थानमा आज अपरान्ह ४ बजे सिठ्ठी फुक्ने कार्यक्रम गर्न लागेको संघका महामन्त्री दीपक भट्टराईले जानकारी दिए । नेविसंघल ‘देशभर एकसाथ सिठ्ठी फुकौ, १ मंसिर २९ गतेको देशब्यापी प्रदर्शनको भब्य तयारीमा जुटौं ’ भन्ने नारासहिते आफ्ना कार्यकर्तालाई प्रदर्शनमा सहभागी हुन आह्वान गरेको छ ।