हामी सबैकाे संसारन्यूज

२८ मङ्सिर, काठमाडौँ । बिग ब्यास लिग अन्तर्गत सन्दिप लामिछाने आवद्ध टिम होबार्ट हुरिकेन्सले लगातार दोस्रो जित निकालेको छ ।दोस्रो खेलमा होबार्ट हुरिकेन्सले एडिलेड स्ट्राइकर्सलाई ११ रनले पराजित गरेको हो ।

होबार्टको ओवल मैदानमा भएको खेलमा टस हारेर पहिले ब्याटिङ्ग गरेको होबार्ट हुरिकेन्सले २० ओभरमा ५ विकेट गुमाएर १७४ रन बनाएको थियो । होबार्टका लागि डार्सी सर्टले ४८ बलमा ७२ रनको विस्फोटक पारी खेलेका थिए भने एडिलेडका लागि बलिङ्गमा वेश एघारले सर्वाधिक २ विकेट लिएका थिए ।

१७५ रनको लक्ष्य पछाएको एडिलेड स्ट्राइकर्सले २० ओभरमा ९ विकेट गुमाएर १६३ रन मात्र बनाउन सक्यो । एडिलेडका लागि डेनियल वरेलले ६२ रनको पारी खेलेता पनि टिमलाई जित दिलाउन सकेनन् । होबार्टका लागि जेम्स फल्कनरले उत्कृष्ट बलिङ्ग गदैँ ४ ओभरमा २१ रन खर्चेर ३ विकेट लिएका थिए ।