हामी सबैकाे संसारन्यूज

१ पुष, काठमाण्डौं । कोरोना संक्रमणबाट गण्डकी प्रदेशमा थप दुईजनाले ज्यान गुमाएका छन् ।

प्रदेशको स्वास्थ्य निर्देशनालयका अनुसार पछिल्लो २४ घण्टामा प्रदेशमा थप दुई जनाको निधन भएसँगै मृतकको संख्या १८६ पुगेको छ ।

मृत्यु हुनेमा पोखरा महानगरपालिका १ का ७६ बर्षीय पुरुषको पुष १ गते विहान ५ः४५ मा मृत्यु भएको छ । मंसिर २३ गते संक्रमण पुष्टि भइ फिस्टेल अस्पताल पोखरामा उपचार गराइरहेका उनको आज विहान मृत्यु भएको हो ।

त्यसैगरी महानगर १ का ७६ वर्षीय पुरुषको मंसिर ३० गते बेलुका १०ः२० मा मृत्यु भएको छ । २५ गते कोरोना संक्रमण पुष्टि भएका उनको हिजो बेलुका मृत्यु भएको निर्देशनालयले जनाएको छ ।