हामी सबैकाे संसारन्यूज

३ पुस , काठमाडौँ । राष्ट्रिय पुनर्निर्माण प्राधिकरण, जिल्ला आयोजना कार्यान्वयन इकाई, स्याङजा अन्तर्गत भीरकोट नगरपालिकामा रहेको भुकम्प शाखाकी असिष्टेन्ट सव–इन्जिनियर भगवती राउत गुरुङ घुस सहित पक्राउ परेकी छन् ।

असिस्टेन्ट सव–इञ्जिनियर गुरुङले सेवाग्राहीको भुकम्पबाट क्षति भई घर निर्माणमा रकम निकासा गरिदिन तथा गरिदिएवापत विभिन्न बहाना बनाई घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगका टोलीले गुरुङलाई ५ हजार घुस लिइसकेको अवस्थामा अनुसन्धानको लागि नियन्त्रणमा लिइएको हो ।

अनुसन्धानको सिलसिलामा निज गुरुङले उक्त कार्य गरि घुस लिएको प्रमाणित हुन आएकोले निजको उक्त कार्य भ्रष्टाचार निवारण ऐन बमोजिम सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको अख्तियारले जनाएको छ ।