Sansar News
काठमाडौं । नेकपाका वरिष्ठ नेता माधवकुमार नेपाल पार्टी अध्यक्ष पुष्पकमल दाहाल ‘प्रचण्ड’ निवास खुमलटार पुगेका छन् । पार्टीका अध्यक्ष एवं प्रधानमन्त्री केपी शर्मा ओली प्रचण्ड निवासबाट बाहिरिए लगत्तै नेपाल खुमलटार पुगेका हुन् ।
यसअघि ओली, प्रचण्ड र पार्टी उपाध्यक्ष बामदेव गौतमबीच छलफल चलेको थियो । ओली र गौतम खुमलटारबाट बाहिरिए लगत्तै नेपाल खुमलटार पुगेका हुन् ।
ओली र प्रचण्डबीच झण्डै डेढ घण्टा जति छलफल चलेको थियो । ओली र प्रचण्डबीच छलफल चलिरहँदा गौतम पुगेका थिए । गौतमसहित झण्डै आधा घण्टाबढी पुनः छलफल चलेको थियो ।
ओली, प्रचण्ड र गौतमबीच के विषयमा छलफल वा सहमती भयो भन्ने विषय भने बाहिरिएको छैन् ।
नेकपाभित्रको विवाद उत्कर्षमा पुग्दै गर्दा ओली प्रचण्डलाई भेट्न खुमलटारमा पुग्नुलाई अर्थपूर्णं रुपमा लिइएको छ । प्रधानमन्त्री भईसकेपछि ओली खुमलटार गएका थिएनन् ।
वि.सं.२०७७ पुस ४ शनिवार १२:५३ मा प्रकाशित
