Sansar News
६ पुष, काठमाडौँ । प्रधानमन्त्री तथा सत्तारूढ नेपाल कम्युनिस्ट पार्टी (नेकपा) का अध्यक्ष केपी शर्मा ओलीले मंगलबारका लागि पार्टीको केन्द्रीय कमिटी बैठक बोलाएका छन्।
पार्टीभित्र विवाद उत्पन्न भई प्रतिनिधिसभा विघटनपछिको स्थितिबारे छलफल गर्न अध्यक्ष ओलिले मंगलबार बिहान ९ बजे प्रधानमन्त्री निवास बालुवाटारमा बस्ने गरी केन्द्रीय कमिटीको बैठक बोलाएको एक नेताले जानकारी दिए ।
यसअघि नेकपाको आइतबार बसेको स्थायी कमिटीको बैठकले मंगलबार दिउँसो १ बजे बस्ने गरी केन्द्रीय कमिटीको बैठक बोलाएको थियो ।
उक्त स्थायी कमिटी बैठकले अध्यक्ष ओलीलाई अनुशासनको कारबाही गर्ने प्रस्ताव केन्द्रीय कमिटीमा लैजाने निर्णय गरेको थियो । तर उक्त बैठक बस्नुअघि नै ओलीले पनि केन्द्रीय कमिटीको बैठक बोलाएका हुन् ।
स्रोतका अनुसार बैठकमा एक तिहाइ सदस्य उपस्थित रहँदैन तर पनि मनमौजी तरिकाले अध्यक्ष ओलिले कार्यकारी अध्यक्ष पुष्पकमल दाहाल प्रचण्डलाई पार्टी विपरित कार्य गरेको भन्दै कार्वाही गर्न सक्नेछन् ।
वि.सं.२०७७ पुस ६ सोमवार १९:३७ मा प्रकाशित
