Sansar News
७ पुष, काठमाडौँ । नेपाल कम्युनिष्ट पार्टी (नेकपा)को नयाँ अध्यक्षमा माधव नेपाल चयन भएका छन् ।
आज बसेको प्रचण्ड–माधव नेपाल समूहको केन्द्रीय समिति बैठकले अध्यक्ष केपी शर्मा ओलीलाई पार्टी बर्खास्त गर्दै नयाँ अध्यक्षमा माधव नेपाललाई चयन गरेको हो ।
बैठकमा वरिष्ठ नेता झलनाथ खनालले स्थायी कमिटीको निर्णयअनुसार नेता नेपालको नाम अध्यक्षका रुपमा प्रस्ताव गरेका थिए । उक्त प्रस्तावलाई सर्वसम्मतिले पारित गरेको हो ।
आजै बसेको समूहको स्थायी कमिटीको बैठकले नेपाललाई केपी ओलीको स्थानमा अध्यक्ष बनाउने प्रस्ताव केन्द्रीय कमिटीमा लैजाने निर्णय गरेको थियो ।
अहिलेको विधानले दुई जना अध्यक्षको कल्पना गरेकाले माधव नेपाल र पुष्पकमल दाहाल प्रचण्ड अध्यक्ष रहने छन् ।
अध्यक्ष ओलिलाई साधारण सदस्यबाटै हटाउनु पर्ने माग भए पनि अहिले अध्यक्ष पदबाट मात्र हटाउने निर्णयलाई बैठकले पारित गरेको एक नेताले बताए ।
अध्यक्ष ओलीले एकपक्षीय रुपमा संसद विघटन गरेपछि असन्तुष्ट बनेको प्रचण्ड–नेपाल समूहले केन्द्रीय समितिबाट ओलीलाई अध्यक्षबाट हटाएको हो ।
वि.सं.२०७७ पुस ७ मंगलवार १९:४२ मा प्रकाशित
