हामी सबैकाे संसारन्यूज

९ पुस, काठमाडौं । फ्रेन्च क्लब पेरिस सेन्ट जर्मनले माउरिसियो पोचेटिनोलाई नयाँ प्रशिक्षक बनाउने तयारी थालेको छ । पिएसजीले प्रशिक्षक थोमस टुचेललाई बर्खास्त गरेको छ ।

पिएसजीले टोटनहमका पूर्व प्रशिक्षक पोचेटिनोलाई नयाँ मुख्य प्रशिक्षकको रुपमा अनुबन्द गर्नलागेको एएफपीले लेखेको छ । पोचेटिनो र पिएसजी सम्झौताको नजिक रहेको र चाडै औपचारिक घोषणा गर्ने तयारीमा रहेको पनि एएफपीले लेखेको छ ।

टोटनहमबाट बर्खास्त भएपछि १२ महिनासम्म विभिध क्लबहरु समाल्ने भनि समाचारहरु आएका थिए । उनलाई यसअघि रियल मड्रिड, म्यानचेष्टर युनाइटेडस र युभेन्ट्स जस्ता क्लबसँग जोडिने समाचार आएपनि अन्तत उनले पियसजी समाल्ने भएका छन् । पोचेटिनो पियसजीका पूर्व खेलाडी समेत हुन उनले सन् २००१ देखि २००३ सम्म पार्क डे प्रिन्समा पीएसजीका लागि खेलेका थिए ।

टुचेल बर्खास्त भएपछी पीएसजीका स्टार स्ट्रायकर केलिएर एम्बाप्पेले सामाजिक संजाल इन्स्टाग्राममा लेखेका छन्,‘ यो फुटबलको नियमनै हो, तर तपाइले पीएसजीमा बिताएको समय कसैले भुल्ने छैनन् । तपाइले पीएसजीको इतिहासमा नयाँ किर्तिमान बनाउनु भएको छ, धन्यवाद कोच ।’