Sansar News
पुस १०, काठमाडौं । प्रधानमन्त्री केपी शर्मा ओलीले मन्त्रिपरिषदको आकस्मिक बैठक बोलाएका छन् । जनाइएअनुसार प्रधानमन्त्री ओलीले शुक्रबार साँझ ६ बजेका लागि बैठक बोलाएका हुन् ।
संसद विघटनपश्चात ओलीले पहिलो पटक मन्त्रिपरिषद बैठक बोलाएका हुन् ।
बैठकमा मन्त्रिपरिषद विस्तार र प्रदेश सभाका विषयमा छलफल हुनसक्ने जनाइएको छ ।
प्रधानमन्त्री ओली पक्षीय केन्द्रीय कमिटीको बैठकले मन्त्रिपरिषद पुनर्गठन गर्ने निर्णय गरेको थियो । साथै पार्टी विभाजनसँगै प्रदेश तहमा आफ्ना मुख्यमन्त्रीहरु अल्पमतमा परेको विषयमा पनि ओलीले कदम चाल्नसक्ने सम्भावना रहेको बताइएको छ ।
शुक्रबार मात्रै बागमती प्रदेशका मुख्यमन्त्री डोरमणी पौडेलविरुद्व अविश्वासको प्रस्ताव दर्ता गरिएको छ ।
ओलीले एक टेलिभिजन अन्तरवार्ताको क्रममा पनि प्रदेश तहमा अविश्वासको प्रस्ताव दर्ता गरि आफुँ चुप लागेर नबस्ने बताएका थिए ।
वि.सं.२०७७ पुस १० शुक्रवार १३:५३ मा प्रकाशित
