Sansar News
१२ पुस, काठमाडौं । गण्डकी प्रदेशमा हालसम्म १ लाख १९ हजार ५४४ वटा नमुना परीक्षण गरिएको मध्ये १४ हजार ३७७ जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार १४ हजार ३७७ संक्रमित मध्ये १२ हजार ३४२ जना निको भइसकेका छन् भने १ हजार ८४४ जना सक्रिय संक्रमित रहेका छन् ।
त्यसैगरी प्रदेशमा कूल संक्रमित मध्ये १९१ जनाको मृत्यु भएको निर्देशनालयले जानकारी दिएको छ ।
निर्देशनालयका अनुसार पछिल्ला १ सातामा २ हजार ४०६ वटा नमुना परीक्षण गरिएकोमा ४३७ जना संक्रमित भेटिएका छन् भने २९८ जना निको भएका छन् । साथै ४ जनाको मृत्यु भएको छ ।
वि.सं.२०७७ पुस १२ आइतवार १६:२७ मा प्रकाशित
