Sansar News
१३ पुष, काठमाडौँ । सरकारले निजी अस्पतालहरूलाई कोभिड अस्पतालको सूचीबाट हटाएको छ ।
कोरोना सङ्क्रमितको सङ्ख्या घट्दै गएको र बिरामीका लागि शैया, भेन्टिलेटर र आइसियु अभाव भन्दै स्वास्थ्य तथा जनसङ्ख्या मन्त्रालयले निजी अस्पतालहरूलाई कोभिड अस्पतालको सूचीबाट हटाएको मन्त्रालयका प्रवक्ता डाक्टर जागेश्वर गौतमले जानकारी दिए ।
मन्त्रालयका अनुसार अब सरकारी अस्पताल र प्रयोगशालामा मात्रै कोभिडको निःशुल्क परीक्षण र उपचार हुनेछ । निजी स्वास्थ्य निकायमध्ये ८ वटा मेडिकल कलेजलाई भने सूचीबाट हटाइएको छैन ।
यसअघि कोभिड अस्पतालको सूचीमा रहेका निजी अस्पतालहरूले आइतबार १२ बजेसम्म भर्ना भएर उपचार गराएका कोरोना सङ्क्रमितको उपचार खर्चबापतको रकम सोधभर्ना गर्ने निर्णय भएको डा गौतमले बताए ।
यस्तै मन्त्रालयले सरकारी तहबाट सङ्कलन भएका नमुनाको पीसीआर परीक्षणका लागि निजी प्रयोगशालालाई उपलब्ध गराउने काम पनि बन्द गरेको छ ।
हाल ५२ सरकारी र २७ निजी स्वास्थ्य निकायबाट कोभिडको निःशुल्क परीक्षण र उपचार हुँदै आएको थियो ।
वि.सं.२०७७ पुस १३ सोमवार ०८:२४ मा प्रकाशित
