हामी सबैकाे संसारन्यूज

१३ पुष ।  ‘गेम अफ थ्रोन्स’का निर्माता मारिएका छन् । चिनियाँ गेम निर्माता लिन छि, ३९ वर्षीयको विषका कारण मृत्यु भएको चीनको सांघाई प्रहरीले जानकारी दिएको छ । क्रिसमसको दिन उनको मृत्यु भएको प्रहरीले जनाएको छ । लिन गेम निर्माता यूजू कम्पनीका अध्यक्ष तथा सीईओ थिए ।

उनी गेम अफ थ्रोन्सः विन्टर इज कमिङ स्ट्र्याटेजी गेम निर्माताको रुपमा चिनिन्थे । कम्पनीले चिनियाँ लेखक लियू सिक्सिनको उपन्यासको ‘थ्री बडी प्रोब्लेम’ त्रिकोणमा आधारित विज्ञान लघु शृंखलालाई अनुकूलन गर्न टिभी सिर्जनाकर्ताहरूसँग काम गरिरहेका थिए ।

कम्पनीले सीईओको मृत्युको समाचार पुष्टि गरेको छ। लिन डिसेम्बर १० मा अस्पतालमा भर्ना गरिएका थिए । डाक्टरहरूले उनलाई विष दिइएको जानकारी दिएको थियो ।

सांघाई प्रहरीले उनको मृत्युको बारेमा अनुसन्धान गरिरहेको छ । प्रहरीका अनुसार उनका एक मुख्य सहयोगी रहेका सु थर भएकालाई पक्राउ गरी अनुसन्धान गरेको छ ।

लिन चिनीया धनिमध्येमा गनिन्थे । उनको सम्पत्ती ९६० मिलियन डलर रहेको छ । गेम अफ थ्रोन्स सिरियल युवायुवतीहरुका लागि अत्यन्त प्रिय थियो । शुक्रबार यूजूका कर्मचारीहरुले भेला भएर लिनलाई श्रद्धाञ्जली दिएका थिए ।

गेम अफ थ्रोन्सका साथै यूजू कम्पनीले ब्रल स्टारजस्ता धेरै सुपर हिट गेम बनाएको छ । लिनले सन् २००९ मा यूजू स्थापना गरेका थिए । उक्त कम्पनीले मोबाइल गेमहरूमा अनलाइन खेलहरू उत्पादन गर्नबाट यसको सफल ट्रान्जिसनलाई अगाडि बढाउन मद्दत गरेको थियो ।

कम्पनीले विज्ञप्तिमा भनेको छ, ‘निर्देशक समिति उनले फर्मलाई दिएको योगदानको उच्च सम्मान प्रदान गर्दछ, ‘कम्पनीका अधिकारी तथा कर्मचारीहरू परिवारमा गहिरो  शोक व्यक्त गर्दछ। ‘

चिनिया स्थानीय संचारमाध्यमका अनुसार निर्देशक समितिमा कम्पनीको स्वात्विका विषयमा विवाद थियो ।