Sansar News
१३ पौष, काठमाडौं । साना तथा विकास लघुवित्त वित्तिय संस्था लिमिटेडले वार्षिक साधारण सभा डाकेको छ ।
संस्थाको पुस ६ गते सोमबार सम्पन्न सञ्चालक समितिको बैठकले संस्थाको रजिष्टर्ड कार्यालय सुबिधानगर तिनकुने काठमाडौँमा बिहान ११ बजे बोलाएको हो । लघुवित्तले विश्वव्यापी माहामारीको रुपमा फैलिरहेको कोरोना भाइरसबाट सर्तक भई भर्चुअल माध्यमबाट सभा सञ्चालन गर्ने भएको छ ।
लघुवित्तले २०७६/०७७ मा कारोबार भएको मुनाफा मध्यबाट शेयरधनीहरुलाई २५ प्रतिशतले बोनस शेयर र १.३१५७८९४७४ प्रतिशत नगत लाभांश प्रदान गर्ने लगाएतका प्रस्ताब पारीत गर्नेछन्
सभामा संस्थाको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिनेछ ।
त्यसैगरी, आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनुका साथै आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक निर्धारण गर्ने लगायतका एजेन्डाहरू सभामा छलफल गरी पारित गरिनेछ ।
संस्थाले साधारण सभा तथा लाभांश वितरण प्रयोजनका लागि पौष १६ गतेदेखि पौष २८ गतेसम्म बुकक्लोज गर्ने निर्णय गरेको छ । त्यसैले, पौष १५ गतेसम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन तथा लाभांश प्राप्त गर्न सक्नेछन् ।
संस्थाले जारी गरेको सुचना यस्तो छ :
वि.सं.२०७७ पुस १३ सोमवार १४:५४ मा प्रकाशित
