हामी सबैकाे संसारन्यूज

१३ पुस, काठमाडौं । नेपाल कम्यूनिष्ट पार्टी (नेकपा) प्रचण्ड–माधव नेपाल समूहका नेता देव गुरुङले नेपाल विदेशी सैनिकको मार्चपास गराउने थलो बनाउन खोजिएको बताएका छने । त्यसकै सुरुवात स्वरुप प्रधानमन्त्री केपी शर्मा ओलीले प्रतिनिधिसभा विघटन गराएको उनको दाबी थियो ।

पोखरामा सोमबार आयोजित पत्रकार सम्मेलनमा उनले संसद विघटन गरेपछि मात्र नेपालमा विदेशी सैनिक भित्राउन सकिने सोचका साथ यो कदम चालिएको बताएका छन् । उनले भने,‘ संसद विघटन राष्ट्रघाती कदम हो, संसद रहदासम्म विदेशी सैनिकले मार्चपास गर्न सक्दैन, हस्तक्षेप गर्न सक्दैन र यस्ता कदमलाई संसदले रोक्ने थियो । त्यसैले संसद विघटन गर्नु अनिवार्य थियो । सोहि कदम ओली सरकाले गर्यो । ’

नेता गुरुङले विदेशी सक्तिहरुलाई नेपालको भुमिमा चलखेल गर्न प्रधानमन्त्री केपी शर्मा ओलीले सहज वातावरण बनाउदै गएको बताए । यो देशमा संकटकाल लागु गर्ने सुरुवाति कदम भएको पनि उनले बताएका थिए । ओलीले चालेको कदम यस अघि राज महेन्द्र र ज्ञानेन्द्र शाहले लगाएको ‘कू’ सम्बन्धित रहेको उनको दाबि थियो ।

उनले प्रधानमन्त्री ओली निरंकुश बन्न चाहेको बताएका थिए । उनले भने, ‘उहाँ सर्वसत्तावादी चिन्तन, निरंकूश प्रवृत्ति, एकाधिकारवादी चिन्तन, फाँसिवादी चिन्तनको उपज हो त्यो चिन्तनलाई विदेशी शक्ति केन्द्रहरुले क्यास गरे ।’