हामी सबैकाे संसारन्यूज

भवानी पोखरेल (बाबु बिराज)
बाणगंगा १, कपिलवस्तु

आउन पाएको छैन फेरि फर्किनलाई हतार किन?
तिमीलाई मात्र यस्तो हुन्छ बारम्बार किन ?

कहिलेकाहीँ राम्रा राम्रा कुरा सोंचे पनि हुन्थ्यो
खाली मनमा नकारात्मक सोँच विचार किन ?

सँगै खान बसेपछि बराबर भाग लाग्नुपर्ने
मेरो भागमा मात्र यति धेरै व्ययभार किन ?

लाग्छौ तिमी हेर्दाखेरि साह्रै सोझो मान्छे जस्तो
तर राम्रो छैन तिम्रो बानी व्यवहार किन ?

गल्ती गर्नुभन्दा पहिले धेरै कुरा सोंच्नुपर्थ्यो
गल्ती गरिसकेपछि गर्छौ जहिले पुकार किन?

शङ्का लाग्छ आजभोलि तिम्रो व्यवहारदेखि
नत्र साँझ परेपछि जानुपर्छ बजार किन?

अनुप्रास ; आर
शेष अनुप्रास : किन