Sansar News
टेक बहादुर लौडारी
भानु ४ , तनहुँ,
आयो असार
बिउरोपी धानको
खेत सिंगार।
१
हिलो खेलेर
अन्न धान फलाऊँ
माटो पेलेर ।
२
तत्थ्य बुझौं त
नेपाल यो सिंगार्ने
माली कृषक।
३
सोझा कृषक
बिचौलिया बीचैमा
खान्छ नाफा त।
४
उपभोक्ताले
चुलो बाल्न धौभयो
नाच्छन् गोताले।
५
ठूला बुढाले
आफ्नो दुनो सोझ्याए
कुरै कुराले।
६
दही च्युराले
काम गरी खा! भन्छ
हुन्न कुराले।
७
धेरै प्रकोप
बिचरा किसानले
भोग्नु पर्दछ।
८
कृषि आधार
माटो सित माग्नुछ
अन्न जुहार।
९
मुख्य माटो हो
रक्षा गरौं मिलेर
सीमा पाटोको।
१०
वि.सं.२०८३ जेठ ३० शनिवार ०७:४७ मा प्रकाशित
