हामी सबैकाे संसारन्यूज

इन्दिरा प्रयास, काठमाडौँ

भन जीवन के कति मानवका अनुकूल कहाँ सजिला पन छन् ,
भर थेग कहाँ जन चेत कहाँ खहरे सरिका कति सज्जन छन् ।
छर हर्ष नयाँ गर तर्क नयाँ शुभकार्य गरे कति कञ्चन छन् ,
पढ पाठ नयाँ गर आँट नयाँ खुसहाल बुझे नव दर्शन छन् ।१।

कति दुश्मन छन् कति सज्जन छन् परिवार सँगै कति अर्चन छन् ,
कति दानव छन् कति मानव छन् धरणी भरमा कति ताण्डव छन् ।
धन दाैलतले कटु कल्मष भाे रिसराग सँगै कति दुश्मन छन् ,
कुविचार बढी छलछाम गरी अभियान नयाँ कति सिर्जन छन् ।२।

न त उन्नति भाे प्रतिकूल हुँदा दिनरात भयाे न त अब्बल छन् ,
चलखेल बढी घनघाेर यहाँ अति शङ्कटले किन कम्पित छन् ।
व्यभिचार भएपछि पत्थर झैँ अति दु:ख दिने नव तस्कर छन् ,
गिरिशैल चढी चिन दुष्टहरू जनका मनमा शिव शङ्कर छन् ।३।

मन सादर छन् जन चिन्तन छन् पन तीब्र प्रवाहित आदर छन् ,
अझ चेतन हुन् अनि बादलका भव आकृति यी कति सुन्दर छन् ।
धन मालिक नै जनपूजन छन् अनि मानवका नवजीवन छन् ,
जनसागरका गति नाप्छ कतै कति डाक्टर छन कति सर्जन छन् ।५।

जति आस्तिक छन् उति नास्तिक छन् न त निश्छल छन् न त निर्मल छन् ,
न त साधक छन् न त सार्थक छन् जनका मनमा अति बाधक छन् ।
प्रतिभामय छन् अनि सुन्दर छन् जन भाव अहाे कति मार्मिक छन् ,
हरयत्न गरे प्रभु पाउ परे मन मन्दिरमा कति हार्दिक छन् ।५।

छन्द : दुर्मिला
गण : स – स – स – स – स – स – स – स
सङ्केत : IIS – ISS- IIS – ISS- IIS – ISS- IIS – ISS