हामी सबैकाे संसारन्यूज

१४ पुस, काठमाडौं । पूर्व प्रधानमन्त्री तथा नेकपाका अध्यक्ष पुष्पकमल दाहाल प्रचण्डले निरंकुश तानशाहका रुपमा देखिएका प्रधानमन्त्री केपी शर्मा ओली आफै बिघटीत भएको बताएका छन् ।

राजधानीमा मंगलवार भएको बिरोध प्रदर्शनपछिको सभामा बोल्दै नेता प्रचण्डले ओली बिघटन हुनुका आधारहरु बताएका थिए । ओली आफ्नै कारण बैशाखभन्दा पछि शासनमा रह नसक्ने कुरा समेत उनले बताएका थिए ।

पहिलेको संबिधानमा संसद बिघटनको ब्यबस्था भएपनि बिवादीत हुन्थ्यो तर अहिले त बिकल्पै बिकल्प भएका बेला उनलाइ जनताले क्षमा दिने छैनन् भन्नेकुरो देशैभरीको खबरदारीले संकेत गरेको पनि प्रचण्डले बताएका थिए । प्रतिगमनकारीलाइ छोड्नेवाला छैनौ भन्दै उनले जनताको इतिहांस संघर्षको इतिहांस हो भनेर कडा आक्रोश ब्यक्त गरेका थिए । उनले भने ‘समयमा गल्ती नसच्याउने हो भने सजिलै बढारीनु बाहेक अर्को बाटो छैन ।’

कार्यक्रममा उनले बैठक बस्ने भनेपछि सातो गएको, आलोचना सुन्नै नचाहेको, बैठक बस्नै परेपनि मनपरी बोलेर हिंड्ने गरेको, कार्यदलको निर्णय पनि नमान्ने गरेको, आफनो पक्षमा जुलुस निकाल्ने, अध्यादेश पटक–पटक ल्याएको , योजनामै एमाले दर्ता गरेको, सय जना राखेर बाह्रसय थप्ने काम गरेको जस्ता बिषयमा उनले बोलेका थिए । प्रचण्डले पाटी फुट्ला की भनेर धेरै सहेको बताउदै ओलीको मनस्थिती नै प्रतिक्रान्तिकारी भएको बताएका थिए ।

राजधानीका बिभिन्न ठाउँबाट आएको नेकपाको जुलुस सभागृह अगाडी सभामा परीणत भएपछि उनले सम्बोधन गरेका थिए । जनआन्दोलन परीचालन समितिका संयोजक नारायणकाजी श्रेष्ठ सहित नेतृ अष्टलक्ष्मि शाक्य,वरिष्ठ नेता झलनाथ खनाल, माधव नेपाल लगायतका नेताले बोलेका थिए भने कार्यक्रमको संचालन योगेश भटराइले गरेका थिए । नेता नारायणकाजीका अनुसार सरकारको षड्यन्त्रका वावजुद पनि आज देशैभर बिरोध प्रदर्शन भएका हुन् ।