हामी सबैकाे संसारन्यूज

१४ पुस, काठमाडौं । नेपाल कम्युनिष्ट पार्टी( नेकपा) का अध्यक्ष पुष्पकमल दाहाल प्रचण्डले नेपालको संविधानले सिमित व्यक्तिले चाहेको भरमा सदन भंग गर्न अधिकार प्नदान नगरेकाे बताएका छन्।

प्रचण्ड-नेपाल समुहले आज भृकुटीमण्डपमा गरेको विरोध प्रदर्शनपछिको सभालाई सम्बोधन गर्दै उनले राष्ट्रपति र प्रधानमन्त्रीतर्फ संकेत गर्दै दुई जना व्यक्तिले प्रतिनिधि सभा हत्या गर्न नमिल्ने बताए। उनले भने, ‘नेपालको संविधान त्यति कमजोर बनेको छैन् , की कसैको सनकको भरमा भंग गर्न सकिन्छ ।’ गलत कदमबाट प्रधानमन्त्री नसच्चिए अझै कठाेर कदम चालिने पनि उनले बताए । ‘जरूरी परे योभन्दा अलि कडा, कठोर संघर्षमा जानुपर्छ।’

उनले प्रधानमन्त्री ओलीको पछिल्ला कदमहरु नियोजित ढंगको रहेको र यहि अवस्थामा ओली प्रतिक्रान्तिको बाटोमा जान सक्नेपनि बताएका थिए । ओलीसँग आफु लचिलो बन्दै बातावरण सहज बनाउन खोज्दा उनले उक्त कदमको फाइदा लिन खोज्दा आजको दिन आएको पनि बताएका थिए ।