हामी सबैकाे संसारन्यूज

१५ पुस, काठमाडौं । पछिल्ला केहि समय यता विद्युत जानि समस्या प्राविधिक कारण मात्र नभएको आम उपभोक्ताको मुल्याङ्कन छ । विद्युत जानि समस्याका कारण उपभोक्ताहरु प्राधिकरणका पूर्व कार्यकारी निर्देशक कुलमान घिसिङलाई बारम्बार सम्झीन बाध्य हुदै आएका छन्।

उता, प्राधिकरणका कायमुकायम कार्यकारी निर्देशक हितेन्द्रदेव शाक्य भने यस्तो समस्या पहिलापनि हुनि गरेको तर्क दिन्छन् । उनले माग धान्न नसक्दा ‘फोर्स लोडसेडिङ’ गर्नुपर्ने अवस्था रहेको र विगतमा पनि यसरी लोडसेडिङ हुने गरेको बताउछन् । उनले लोड मिलाउन खोज्दा यस्तो समस्या देखिएको बताउदै आएका छन् ।

शाक्यका अनुसार प्राधिकरणले विद्युत व्यवस्थापनका लागि बिजुलीको तार भूमिगत गर्ने आयोजना, ट्रान्सफर्मर र स्वीच गेयर फेर्नेकामले गर्दापनि केहि समस्या देखिएको बताए भने सडक विस्तारको कामले पनि कहिलेकाहि समस्या आएको उनले बताए । यो समस्या विगतमा जस्तै बिजुलीका स्थानीय प्रणालीमा प्राविधिक समस्याका कारणले मात्र भएको उनकाे भनाइ छ । विजुलीको माग धेरै हुनुलाई पनि उनले अर्को कारणको रुपमा लिएका छन् ।

तर, विगतमा लोडसेडिङ हटाउने काममा सम्लग्न प्राधिकरणका पूर्वअधिकारीहरु भने शाक्यको भनाइसँग सहमत हुदैनन् । उनीहरुले प्राधिकरणले लोड व्यवस्थापनमा सिप पु¥याउन नसक्दा अहिलेको अवस्था आएको बताउँछन् । उनीहरुले वर्तमान नेतृत्वको व्यवस्थापकीय क्षेमतामा प्रश्न उठाएका छन् ।