हामी सबैकाे संसारन्यूज

२१ पुस, काठमाडौं । अवैध लागूऔषध कारोबारमा होटल एण्ड लजका संचालक बल बहादुर धामीसहित चारजना पक्राउ परेका छन् ।
कञ्चनपुर कृष्णपुर नगरपालिका १ दोमेल्ला घर भई कैलालीको गोदावरी नगरपालि २ रिङरोडस्थित न्यु जानकी होटल एण्ड लज सञ्चालक २९ वर्षीय धामीलाई करीब ७ किलो अवैध लागूऔषध चरेश सहित सोमबार साँझ प्रहरीले पक्राउ गरेको हो ।

धामीको होटलमा लागूऔषध चरेशको कारोबार भइरहेको सू्चना पाएपपछि सुदूर पश्चिम प्रदेश प्रहरी कार्यालय र ईलाका प्रहरी कार्यालय अत्तरियाबाट खटिएको प्रहरीले सोहि होटलमा लुकाई राखेको अवस्थामा उक्त लागूऔषध चरेश फेला पारी उनलाई पक्राउ गरेको प्रहरीले जनाएको छ ।

त्यसैगरी कञ्चनपुर बेलौरी नगरपालिका(४ बजारबाट सोही नगरपालिका(१० भुडा बस्ने ३६ वर्षीय बल बहादुर चन्दलाई करीब ६३ ग्राम अवैध लागूऔषध खैरो हेरोईन जस्तो पदार्थ र नगद ७८ हजार ४ सय ८० रुपैयाँ सहित प्रहरीले पक्राउ गरेको छ । ईलाका प्रहरी कार्यालय बेलौरी र संघीय लागूऔषध ब्यूरो धनगढीबाट खटिएको प्रहरीले उनलाई पक्राउ गरेको हो ।

त्यस्तै भुँडाबाटै धनगढी उपमहानगरपालिका ३ बिशालनगर बस्ने २२ वर्षीय प्रेम बहादुर बमलाई ९ सय १० मिलिग्राम अवैध लागूऔषध खैरो हेरोईन सहित सोमबार दिउँसो प्रहरीले पक्राउ गरेको छ । प्रहरी चौकी भुँडाबाट खटिएको प्रहरीले उनलाई पक्राउ गरेको हो ।

सुनसरी धरान उपमहानगरपालिका(१३ बाट सोही ठाउँ बस्ने २४ वर्षीय सचिन प्रधान र संदिप राईलाई पनि करीब १ ग्राम ७ सय मिलिग्राम अवैध लागूऔषध खैरो हेरोईन सहित सोमबार साँझ प्रहरीले पक्राउ गरेको छ । ईलाका प्रहरी कार्यालय धरानबाट खटिएको प्रहरीले उनीहरुलाई पक्राउ गरेको हो ।

धनकुटाको छथरजोरपाटी गाउँपालिका २ फलैचाका २२ वर्षीय फुर्वा शेर्पा लगायत २ जना ६ सय ६० मिलीग्राम अवैध लागूऔषध ब्राउन सुगर जस्तो देखिने पदार्थ पक्राउ परेका छन् । प्रहरी चौकी जोरपाटीबजारबाट खटिएको प्रहरीले उनीहरुलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको पनि प्रहरीले बताएको छ ।