हामी सबैकाे संसारन्यूज

काठमाडौँ । सधाबहार नायिका करिश्मा मानन्धरकी छोरी कविता मानन्धर र सुपरस्टार नायक शिव श्रेष्ठका छोरा शक्ति श्रेष्ठ अभिनित चलचित्र ‘एउटा यस्तो प्रेम कहानी’ को शीर्ष गीत सार्वजनिक भएको छ । यो दुबैको डेब्यु चलचित्र हो ।

वसन्त सापकोटाको संगीत रहेको गीतमा कविता र शक्ति प्रेमील भावमा देखिन्छन् । उक्त चलचित्र माघ १ गतेबाट प्रदर्शनमा आउन लागेको छ ।

दिपेश सापकोटाको निर्देशन रहेको फिल्ममा शक्ति र कवितासँगै संवेक दर्शनधारी, शिव श्रेष्ठ, वर्षा राउत, सञ्जोग कोइराला, प्रियंका कार्की, आयुष्मान देशराज जोशी, मिथिला शर्मा, बसुन्धरा भुषाल लगायत अभिनयमा छन् । फिल्मलाई शिव श्रेष्ठ, दिनेश दर्शनधारी र यशोदा राईले निर्माण गरेका हुन् । गोपालकाजी कायस्थले वितरणको जिम्मा लिएका छन् ।