Sansar News
पुस २२, काठमाडौँ । नेपाल र भारतका परराष्ट्र मन्त्रीस्तरीय संयुक्त आयोगको छैटौं बैठक माघको पहिलो सातामा हुन लागेको छ । बैठकको प्रमुख एजेण्डाका रुपमा नेपालले पछिल्लो समय जारी गरेको नक्सा रहने स्रोतले जनाएको छ ।
माघको पहिलो साता हुने भनिएको बैठक नयाँ दिल्लीमा माघ १ र २ गते हुने गयारी रहेको पनि स्रोतले जानकारी दिएको छ । उक्त बैठकमा सहभागि हुनका लागि कामचलाउ सरकारका परराष्ट्र मन्त्री प्रदीपकुमार ज्ञवाली दिल्ली जाने भएका छन् ।
यसअघि विभिन्न समयमा हुने भनिएको बैठक समान मिति तय गर्ननसक्दा हुन सकेको थिएन । मंसिर ११ र १२ गते नेपाल भ्रमणमा रहेका भारतका विदेश सचिव हर्षवर्धन श्रृंगलाले उनको भ्रमणको क्रममा संयुक्त आयोग बैठकका लागि प्रस्ताव राखेका थिए ।
समय अनुसार विभिन्न विषयमा वैठकका एजेण्डामा छलफल चल्ने गरेको मा यो वैठकमा भने नेपालले जारी गरेको नयाँ नक्सालाई संयूक्त एजेण्डाका रुपामा अघि सारिएको छ । नेपालले नक्सा जारी जरेपनि उक्त क्षेत्र हाल भारतकोनै नियन्त्रणमा रहदै आएको छ ।
वि.सं.२०७७ पुस २२ बुधवार १७:१२ मा प्रकाशित
