हामी सबैकाे संसारन्यूज

२३ पुस, दमक । दमक नगरपालिका वडा नं ३ का जनप्रतिनिधिहरुले विपन्न परिवारकी धनमायालाई पक्की घर बनाइदिएका छन् ।

दमक नगरपालिका वडा नम्बर ३ स्थायी बसोबास गर्ने ९४ वर्षकी धनमाया लामिछानेको ६ जनाको परिवारलाई बुधबार वडा नम्बर ३ का जनप्रतिनिधिको सहयोगमा बनेको नयाँघर हस्तान्तरण गरिएको वडा अध्यक्ष नविन बरालले बताएका छन् ।

४ लाख ८० हजारको लागत मूल्यमा निर्माण भएको सो घर निर्माणमा ६५ हजार बराबरको मिस्त्री र लेबर दमक नगरपालिका वडा नम्बर १ का निर्माण ब्याबसायी सुमन काफ्लेले सहयोग गरेको अध्यक्ष बरालले जानकारी दिएका छन् ।

उक्त परिवारको आयस्रोत ९४ बर्षकी हजुरआमा धनमाया लामिछानेको सामाजिक सुरक्षा भत्ता ( बृद्ध ) र एकजना माइली बुहारीको एकल भत्ताबाट परिवारको जीवनयापन भइरहेको थियो ।

एउटा सानो फुसको छानो भएको बासको टाटिको बेरा भएको भुइमा माटोले लिपपोत गरेर अति दुःखकष्टका साथ सो परिवारको दिनचर्या चलिरहेको अवस्थामा भान्सासहित ३ कोठा, चारैतर्फ इट्टाको वाल, टिनको छानो, बरन्डासहितको घर सम्पूण निर्माण कार्य सकेर बुधबार अध्यक्ष बरालद्धारा वृद्धा लामिछानेलाई हस्तान्तरण गरिएको हो ।

अध्यक्ष बराका अनुसार घर निर्माण गर्न सहयोग गर्नेहरुमा अध्यक्ष बराल आफै, वडा सचीव सन्दीप सुवेदी, कार्यपालिका सदस्य खड्ग ब धिमाल, वडा सदस्यहरु तन कुमारी दाहाल, शुकदेब लुइँटेल,गजेन्द्र धिमाल, टीका ठटाल रहेका छन् ।