Sansar News
२३ पुस, काठमाडौं। त्रिभुवन बिश्वबिद्यालय, परीक्षा नियन्त्रण कार्यालय, बल्खुद्धारा २०७७ सालमा संचालन हुने स्नातक तह तेस्रो वर्षको परिक्षा तालिका सार्वजनिक भएकाे छ ।
स्नातक तह तीन र चारवर्षे मानविकी, व्यवस्थापन, शिक्षाशास्त्र संकाय एवं विज्ञान तथा प्रविधि अध्ययन संस्थान तर्फका स्नातक तह अन्तरगतको तृतिय वर्षका नियमित , प्राईभेट पुरा,आंशिक र मौका समेतका परीक्षाको तालिका सार्वजनिक गरिएको हो ।
तालिका अनुसार तीन वर्षे सम्पूर्ण संकायको परिक्षा दिनको १२:३० बजेदेखि ३:३० सम्म सञ्चालन हुनेछ । परिक्षा माघ २७ बाट सुरुभई फागुन २९ गते सम्पन्न हुने छ ।
त्यस्तै, परीक्षा आवेदन फारम भर्न छुटेको परीक्षार्थीहरूले दोव्वर दस्तुर सहित २०७७ माघ ०५ गते सम्ममा परीक्षा आवेदन फारम भरी सक्नुपर्ने र क्याम्पसहरुले २०७७ माघ ०७ गते भित्र परीक्षा नियन्त्रण कार्यालयमा वुझाइ सक्नु पर्ने पनि जाकारी दिएको छ ।
वि.सं.२०७७ पुस २३ बिहीवार ११:१२ मा प्रकाशित
