Sansar News
२७ पुस, काठमाडौं । गएराति भएको खेलमा साविक विजेता युभेन्ट्सले ससुलो माथि जीत हात पारेको छ । युभेन्ट्सको घरेलु मैदानमा भएको खेलमा युभेन्ट्सले ससुलो माथि ३-१ को जित हात पारेको हो ।
पहिलो हाफ बराबरीमा रोकिएको खेलको दोस्रो हाफको ५० औं मिनेटमा डानिल्लोले गोल गर्दै युभेन्ट्सलाई अग्रता दिलाएका थिए । पहिलो हाफको इन्जुरी समयमा ससुलोको पेड्रो अवियाङले रातोकार्ड पाएपछि दश खेलाडीमा सिमित रहेको ससुलोका लागि दोस्रो हाफको ५८ औं मिनेटमा ग्रेगोरिए डेफ्रेलले गोल गरेपनि हार टार्न सकेनन् ।
दोस्रो हाफकै ८२औं मिनेटमा आरोन राम्से र इन्जुरी समयमा क्रिस्टियानो रोनाल्डोले गोल गर्दै युभेन्टसका लागि ३-१ को जित दिलाए । रोनाल्डोले यो सिजन सिरी ए मा १५ गोल गर्दै सर्वाधिक गोलकर्ताको सुचिमा पहिलो नम्बरमा रहेका छन् ।
जितपछि १६ खेलबाट ३३ अंक जोड्दै युभेन्ट्स चौथो स्थानमा उक्लिएको छ । पहिलो स्थानमा रहेको एसी मिलानको १७ खेलबाट ४० अंक रहेको छ ।
वि.सं.२०७७ पुस २७ सोमवार १०:५६ मा प्रकाशित
