Sansar News
२८ पुस, काठमाडौं । टोटेनहाम हट्परका प्रशिक्षक जोसे माउरिन्नोले रियल मड्रीडका ब्रजिलियन डिफेन्डर इडर मिलिटाओलाई समर ट्रान्सफर मार्केट बन्दहुनु अघि क्लबमा भित्राउन चाहेको छन ।
मिलिटाओ २०१९ मार्चमा पोर्चुगिज क्लब पोर्टोबाट ४३ मिलियन यूरोमा रियल मड्रीडमा अनुबन्ध भएका थिए । रियलमा खेल समय पाउन संघर्षरत उनलाई टोटनहामले आफ्नो क्लबमा अनुबन्ध गर्न चाहेको हो ।
गत सिजन रियलले ला लिगाको उपाधि जित्दा १५ खेल खेलेका २२ वर्षिय मिलिटावले यो सिजन भने हालसम्म तीन खेलमात्र खेल्ने अवसर माएका छन् । स्पेनिस मिडिया एयसका अनुसार, रियलले मिलिटावको लागि खर्च गरेको ४३ मिलियन यूरो पाएमा उनलाई जान दिने सोचमा रहेको जनाएको छ ।
रियलले समर ट्रान्सफर मार्केटमा दुई ठुला खेलाडीलाई क्लबमा भित्राउन लागेकाले पनि उसले मिलिटाव बेचेर आर्थिक भार कमगर्न खोजेको छ । रियलले इर्लिङ हालाण्ड र केलियर एम्बोप्पेलाई क्लबमा भित्राउन लागेको छ ।
उता, आफ्नो रक्षा पंतिले उत्कृष्ट प्रदर्शन गरिरहेको टोटेनहाम मिलिटावलाई क्लबमा भित्राएर अझै मजबुद बन्ने कोसिसमा रहेको छ । टोटेनहामले यो सिजन म्यान्चेष्टर सिटी पछि रक्षा पंतिमा उत्कृष्ट प्रदर्शन गर्दै आएको छ ।
वि.सं.२०७७ पुस २८ मंगलवार १४:३८ मा प्रकाशित
