Sansar News
२८ पुष, काठमाडौँ । भारतीय टिमका कप्तान विराट कोहलीलाई पछि पार्दै अष्ट्रेलियाका ब्याट्सम्यान स्टिवन स्मिथ आईसीसीको टेस्ट वरियताको दोस्रो स्थानमा उक्लिएका छन ।
आईसीसीले सार्वजनिक गरेको नयाँ टेस्ट वरियतामा स्मिथले कोहलीलाई ३० अकंले पछि पारेका छन । दोस्रो स्थानमा उक्लिएका स्मिथसँग ९०० रेटिङ्ग अकं रहेको छ भने कोहलीसँग ८८० अकं रहेकोे छ ।
पहिलो स्थानमा न्यूजिल्याण्ड क्रिकेट टिमका कप्तान केन विलियमसन रहेका छन । पहिलो स्थानमा रहेको केन विलियमसनको भने ९१९ रेटिङ्ग अकं रहेको छ ।
आईसीसीको नयाँ टेस्ट वरियतामा इंल्याण्डका बेन स्टोक्स र भारतका चेतेश्वर पुराजा पनि २/२ स्थान माथि उक्लिएका छन भने अष्ट्रेलियाका डेविड वार्नरले ३ स्थान गुमाएका छन । ।
वि.सं.२०७७ पुस २८ मंगलवार १५:०६ मा प्रकाशित
