हामी सबैकाे संसारन्यूज

४ माघ, काठमाडौँ । मञ्जुश्री फाइनान्स लिमिटेडकी अध्यक्ष इन्दिरा पन्डित घिमिरेले नेपाल राष्ट्र बैंकको नियमन विभाग प्रमुख देव कुमार ढकालबाट पद तथा गोपनियताको शपथ लिएकी छन् ।

हालै सम्पन्न संस्थाको १३ औंं वार्षिक साधारण सभाले २३.५० प्रतिशत लाभांश स्विकृत गरेको छ । जसमध्ये नगद लाभांश ५.५ प्रतिशत र वोनश शेयर १८ प्रतिशत रहेको छ । वोनश शेयर वाँडफाँड पश्चात संस्थाको चुक्तापूँजी रु ९६ करोड ५३ लाख पुगेको हो ।

तेह्रौ वार्षिक सभाबाट संस्थापक समूहका शेयर धनीहरुका तर्फबाट सञ्चालकको पदका लागि यादव अधिकारी, रामहरी शर्मा, रविन राज देवकोटा र सर्वसाधारण शेयर धनीहरुका तर्फबाट दिलमान सिंह चन्द निर्विरोध निर्वाचित भएका छन् ।