Sansar News
५ माघ, काठमाडौं । नेपाल इन्भेष्टमेन्ट बैंक लिमिटेड र सिटी एक्सप्रेस फाइनान्स कम्पनी लिमिटेडको एकीकृत कारोबार माघ ११ गते आइतबारबाट हुने भएको छ ।
दुवै संस्थालाई एकीकृत कारोबार गर्न नेपाल राष्ट्र बैंकले मंसिर १८ गते र कम्पनी रजिष्ट्रार कार्यालयले पुस ३ गते अन्तिम स्वीकृति दिइसकेका छन् । दुवै एक भएपछि अब इन्भेष्टमेन्ट बैंकको नामबाट एकीकृत कारोबार हुनेछ ।
प्राप्ति गर्ने सम्बन्धमा दुवै संथाको असोज २८ गते सम्पन्न विशेष साधारणसभाबाट पारित विशेष प्रस्ताव पारित भएको थियो ।
सिटी एक्सप्रेसको १०० कित्ता सेयर हुनेले इन्भेष्टमेन्ट बैंकको ३० कित्ता सेयर पाउने छन् । इन्भेष्टमेन्ट बैंकमा विलय हुने भएसँगै हाल सिटी एक्सप्रेस फाइनान्सको सेयर कारोबार रोक्का छ । यस फाइनान्सको गत पुस २८ गतेदेखि दोस्रो बजारमा सेयर कारोबार रोकिएको हो ।
वि.सं.२०७७ माघ ५ सोमवार ११:४२ मा प्रकाशित
