Sansar News
माघ १४, काठमाडौं । संसद विघटनविरुद्व परेका रिटमाथि भईरहेको बहसमा प्रधान्यायाधीश चोलेन्द्र शमशेर जबराले समय तोकिदिएका छन् । बुधबारको बहसका क्रममा उनले प्रत्येक कानून व्यवसायीलाई १० देखि १५ मिनेट मात्रै समय दिने बताएका थिए ।
उनले संसद विघटनसम्बन्धी ६ वटा रिटमा सुनुवाई बाँकी रहेको भन्दै धेरै समय नलिन आग्रह गरेका थिए ।
“अब अहिले १०–१५ मिनेटभन्दा समय नदिइदिनुहोला । हामी दिन पनि सक्दैनौं । यहाँहरुले हठ नगर्नुहोला,” उनले भनेका थिए ।
संसद विघटनविरुद्व दायर दर्जन बढि रिटमा बहसको लागि ३ सय जना कानून व्यवसायीहरुले नाम लेखाएका छन् । तर, एउटै अधिवक्ताले २ घण्टासम्म पनि समय लिईरहेका छन् ।
यसअघि बुधबार बहसकै क्रममा न्यायाधीश सपना प्रधान मल्लले अदालतले मुद्दा लम्ब्यायो भन्ने चिन्ता छाएको भन्दै व्यवस्थापन गर्नुपर्ने धारणा राखेकी थिइन् ।
वि.सं.२०७७ माघ १४ बुधवार १७:३१ मा प्रकाशित
