हामी सबैकाे संसारन्यूज

१५ माघ, काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले प्रचण्डले भैसी पूजा गर्दा केपी ओलीले पशुपतिनाथको पूजा गर्न किन नहुने भन्ने आशय व्वयक्त गरेका छन् ।

कम्युनिष्ट नेताहरुले अहिलेसम्म पशुपतिमा पुगेर पूजा नगरेको अवस्थामा प्रतिनिधिसभा विघटन गरेको केहीदिनपछि प्रधानमन्त्रीले पशुपतिमा पुगेर गरेका पूजाका बारेमा विभिन्न टिप्पणी आइरहेका बेला प्रधानमन्त्रीका सल्लाहकार थापाले प्रचण्डले भैसी पूजा गरेको र ओलीले पशुपतिनाथमा पूजा गरेको फोटो सामाजिक संजालमा राख्दै यस्तो लेखेका हुन् ।

‘प्रधानमन्त्री एवं पशुपति विकास कोषका संरक्षक केपी शर्मा ओलीेले माघ १२ गते बिहान ८ः३० बजे श्री पशुपतिनाथ मन्दिरको भ्रमण, निर्माणकार्यको निरीक्षण एवं विशेष पूजा र दीप प्रज्वलन गर्नुभयो ।

सुनको जलारी निर्माणको मन्दिरको योजनामा जम्मा रहेको ६५ करोड बजेटमा सरकारका तर्फबाट ३० करोड उपलब्ध गराउने प्रतिबद्धताको घोषणा गर्नुभयो ।

पहिले पित्तल र तामाको जलारी रहेकोमा अब १४१ किलो सुनको जलारी निर्माणको सुनिश्चितता भएको छ ।
दैनिक हजारौं जनता श्रद्धाका साथ पूजाआजामा जाने पशुपतिनाथ मन्दिरमा उहाँको यस कार्यको सर्वत्र प्रशंसा भएको छ ।’