Sansar News
१६ माघ, काठमाडौं । नेपालमा बुधबारदेखि सरु भएको कोरोना भाइरस विरुद्धको खोप अभियान अन्तर्गत दुईदिनमै २८ हजार ७३२ जनाले लगाएका छन् ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार बुधबार र विहिबार देशैभरीका २८ हजार ७३२ जनाले उक्त खोप लगाएका हुन् ।
स्वास्थ्यकर्मी, सुरक्षाकर्मी, स्वयमसेविका, एम्बुलेन्स तथा शबवाहन चालकलगायतलाई पहिलो प्राथमिकता दिएर लगाइएको उक्त खोप लगाएका व्यक्तिमा कुनै पनि स्वास्थ्य समस्या नेदेखिएको पनि मन्त्रालयले जनाएको छ ।
कुन प्रदेशमा कति लगाइयो त खोप ?
मन्त्रालयका अनुसार प्रदेश १ मा ३,८४७, प्रदेश नं २ मा २,१७४, बागमतीमा ११,४६१, गण्डकी प्रदेशमा ४,८५३, लुम्बिनीमा २,३०३, कर्णालीमा १,६७७ र सुदूरपश्चिम प्रदेशमा २,४१७ जनाले खोप लगाएका हुन् ।
वि.सं.२०७७ माघ १६ शुक्रवार १२:३४ मा प्रकाशित
