Sansar News
१९, माघ । म्यानमारको सेनाले एकाबिहानै सैनिक कू गरेको छ ।
अन्तर्राष्ट्रिय संचारमाध्यमहरुले जनाएअनुसार म्यानमारी सेनाले सत्तारुढ दल नेशनल लिग फर डेमोक्रेसी(एनएलडी)की नेतृ आङसाङ सूकिलाई नियन्त्रणमा लिएको छ । त्यस्तै सैनिकले जननिर्वाचित सांसदलाई नियन्त्रणमा लिएको छ भने मन्त्री सबै नियन्त्रणमा छन्।
राजधानी र प्रमुख शहरका संचारसम्पर्क विच्छेद गर्न सुरु गरिएको छ। राजधानी नेपिद्अ र मुख्य सहर यानगुनका सडकमा सेनाहरू गस्तीमा निस्किएका छन् ।
गत नोभेम्बरमा सम्पन्न निर्वाचनमा सूकिको पार्टीले सरकार गठन गर्न पर्याप्त सिट जिलेको थियो, तर सेनाले निर्वाचनमा धाँधली भएको बताउँदै आएको छ र उक्त चुनावी परिणामलाई अस्वीकार गर्दै आएको छ ।
म्यानमार, जसलाई बर्मा पनि भनिन्छ यसअघि पनि २०११ सम्म सेनाले शासन गरेको थियो। सुकी धेरै वर्ष घरभित्रै नजरबन्दमा थिइन् ।
नवनिर्वाचित तल्लो सदन सोमबार पहिलो पटक भेला हुने थियो तर सेनाले त्यसलाई स्थगनको लागि आह्वान गरेको थियो ।
वि.सं.२०७७ माघ १९ सोमवार ०७:५१ मा प्रकाशित
