हामी सबैकाे संसारन्यूज

१९ माघ, काठमाडौं । नेपाली कांग्रेसका १३ भातृ संगठनले प्रधानमन्त्री केपी शर्मा ओलीको प्रअसंबैधानिक कदमविरुद्ध देशका ७७ वटै जिल्लामा प्रदर्शन गर्ने भएको छ ।

प्रधानमन्त्रीद्धारा पुष ५ गते गरिएको प्रतिनिधिसभा विघटनका विरुद्ध निरन्तर आन्दोलनका कार्यक्रम गर्दै आएको कांग्रेसले आज १३ वटै भातृ संगठनको आयोजनामा देशैभरी प्रदर्शनका कार्यक्रमहरु गर्ने भएको हो ।

संसद विघटनमार्फत् सर्वसत्तावाद उन्मुख कदम, चरम भ्रष्टाचार, कुशासन, कोभिड विरुद्धको संघर्षमा देखिएको अकर्मण्यता, जनसरोकारका विषयमा सरकारी उदासिनतालगायतका समग्र मुद्दालाई अघि सारेर गर्न लागिएको प्रदर्शनमा व्यापक सहभागीताको लागि समेत अपिल गरेको छ ।