Sansar News
माघ २२, काठमाडौं । विभाजित नेकपाको केपी शर्मा ओली पक्षीय युवा विद्यार्थीले आम हड्तालको विरोधमा काठमाडौंमा मार्चपास गरेका छन् ।
ओली पक्षीय युवा नेता महेश बस्नेतको नेतृत्वमा मार्चपास गरिएको हो । बस्नेतको नेतृत्वको बाल्मीकि क्याम्पसबाट निस्किएको मार्चपास पुतलसडक, कमलादी हुँदै पुनः बाल्मीकि क्याम्पसमा पुगेर टुंगीएको थियो ।
मार्चपासमा बस्नेतसहित, माधव ढुंगेल, ऐन महरलगायतका नेताहरुको सहभागीता थियो ।
प्रचण्ड पक्षले गरेको आमहड्ताल र प्रदर्शनका बीच निकालिएको मार्चपासमा झडप हुनसक्ने आशंकाले सुरक्षा व्यवस्था निकै कडाई गरिएको थियो ।
मार्चपासमा ‘नेपाल बन्द होइन, नेपाल अब बन्दैछ’, ‘केपी ओली आई लभ यू’, ‘आज होइन् भोलीलाई, दश वर्ष ओलीलाई’लगायतका नारा लगाइएको थियो ।
वि.सं.२०७७ माघ २२ बिहीवार १६:०७ मा प्रकाशित
