Sansar News
२३ माघ, काठमाडौं । देशका विभिन्न भागमा हिमपात र वर्षा भइरहेकोले चिसोबाट बच्न अनुरोध गरिएको छ ।
मौसम पुर्वानुमान महाशाखाले उच्च पहाडी तथा हिमाली भू–भागका केही स्थानहरुमा हल्का हिमपात तथा सुदूरपश्चिम प्रदेश, कर्णाली प्रदेश, गण्डकी प्रदेश, लुम्बिनी प्रदेश, प्रदेश न १ र बागमती प्रदेशमा वदली भै हल्कादेखि मध्यम बर्षाको सम्भावना रहेकोले चिसोबाट बच्न आवश्यक सतर्कता अपनाउन अनुरोध गरिएको हो ।
देशैभरी पश्चिमी वायुको प्रभाव रहेका कारण आज पश्चिमी भू-भागमा वर्षा भइरहेको छ । भने हिमाली तथा उच्चपहाडी भेगमा हिमपात भइरहेको छ ।
मौसम तथा पूर्वानुमान महाशाखाका अनुसार शनिबार बेलुकासम्म पश्चिमी वायुको प्रभाव रहने र आइतबारदेखि मौसम सफा हुनेछ ।
वि.सं.२०७७ माघ २३ शुक्रवार १३:४२ मा प्रकाशित
