Sansar News
माघ २३, काठमाडौं । सरकारले फेरि अर्को अध्यादेश ल्याएको छ । शुक्रबार राष्ट्रपति विद्यादेवी भण्डारीले ‘बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन), अध्यादेश २०७७’ जारी गरेकी हुन् ।
राष्ट्रपति कार्यालयले सार्वजनिक गरेको विज्ञप्तीअनुसमार राष्ट्रपति भण्डारीले नेपालको संविधानको धारा ११४ को उपधारा (१) बमोजिम मन्त्रिपरिषदको सिफारिसमा अध्यादेश जारी गरेकी हुन् ।
योसँगै दुवै आयोगको म्याद थप भएको पनि भएको छ । सरकारले आयोगको म्याद ६ महिना थप गर्ने सिफारिस गरेअनुसार अध्यादेश जारी भएको हो ।
यसअघि मंसिर २९ मा सरकारले संवैधानिक परिषदसम्बन्धी अध्यादेश ल्याएको थियो । विवादै विवादका बीच ल्याइएको उक्त अध्यादेशमाथि प्रश्न उठाउँदै सर्वोच्च अदालतमा रिट दायर भएको थियो ।
वि.सं.२०७७ माघ २३ शुक्रवार १७:२९ मा प्रकाशित
