हामी सबैकाे संसारन्यूज

माघ २७, काठमाडौं । सरकारले नेपाल विद्युत् प्राधिकरणको कार्यकारी निर्देशकमा हितेन्द्रदेव शाक्यलाई नियुक्त गरेको छ। सोमबार बसेको मन्त्रिपरिषद् बैठकले कायममुकायम कार्यकारी निर्देशक शाक्यलाई चार वर्षका लागि कार्यकारी निर्देशकमा नियुक्त गरेको हो।

यसअघिका कार्यकारी निर्देशक कुलमान घिसिङको कार्यकाल सकिएपछि शाक्यलाई कायममुकायम कार्यकारी निर्देशकको जिम्मेवारी दिइएको थियो ।

प्राधिकरणमा कुलमानलाई नै पुनः नियुक्ती गर्नुपर्ने माग बढेपछि सरकारले लामो समयसम्म उक्त पद रिक्त राखेको थियो । यसअघि कुलमानलाई नै पुनर्नियुक्ती दिइनुपर्छ भन्दै सडक आन्दोलनसमेत भएको थियो ।

कुलमान कार्यकाल पुरा भएसँगै गत भदौ २८ मा प्राधिकरणबाट बाहिरिएका थिए ।

कार्यकारी निर्देशकमा नियुक्त शाक्य प्रसारणलाइनका बारेमा राम्रो जानकार मानिन्छन् । उनले विद्यूत प्रणाली सञ्चालनमा स्नाकोत्तरसमेत गरेका छन् ।