Sansar News
माघ २७, काठमाडौं । प्रधानमन्त्री केपी शर्मा ओली निर्वाचन आयोग पुगेका छन् ।
मध्यावधि निर्वाचनको घोषणा गरेका उनी निर्वाचनको तयारी र नेकपाको आधिकारिताबारे बुझ्न निर्वाचन आयोग पुगेका हुन् । उनी उपप्रधानमन्त्री ईश्वर पोखरेल, अर्थमन्त्री विष्णु पौडेल र नेता सुवास नेम्वाङसहित निर्वाचन आयोग पुगेका छन् ।
जनाइएअनुसार अहिले निर्वाचन आयोगका पदाधिकारी र प्रधानमन्त्री ओलीबीचमा छलफल चलिरहेको जनाइएको छ ।
सोमबार मात्रै मन्त्रिपरिषदले पहिलो र दोस्रो चरणको चुनाव हुने जिल्लाबारे निर्णय गरेको थियो ।
प्रधानमन्त्रीको सिफारिसमा राष्ट्रपति विद्यादेवी भण्डारीले गत पुस ५ मा प्रतिनिधि सभा विघटन गर्दै वैशाख १७ र २७ मा निर्वाचन गर्ने घोषणा गरेकी थिइन् । विघटन गर्ने सरकारको निर्णय अहिले सर्वोच्चमा विचाराधिन अवस्थामा छ । तर, सरकारले भने निर्वाचन तयारी अगाडि बढाएको छ ।
वि.सं.२०७७ माघ २७ मंगलवार १२:२६ मा प्रकाशित
