Sansar News
माघ २७, काठमाडौं । प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शितल निवास पुगेका छन् । निर्वाचन आयोगबाट फर्किए लगत्तै उनी शितल निवास पुगेका हुन् ।
उनले आज निर्वाचन आयोगसँग निर्वाचनको तयारी र पार्टीको आधिकारिताबारे छलफल गरेका थिए । समुहसहित निर्वाचन आयोग पुगेर छलफल गरेका उनी त्यसलगत्तै शितल निवास पुगेका हुन् ।
शितल निवास स्रोतले जनाएअनुसार निर्वाचन आयोगमा भएको छलफलबारे जानकारी दिन उनी शितल निवास पुगेका हुन् ।
प्रधानमन्त्री ओलीले निर्वाचन आयोगका पदाधिकारीलाई तोकिएकै समयमा निर्वाचन गर्ने गरि तयारीमा जुट्न सुझाब दिएका थिए ।
सोमबार बसेको मन्त्रिपरिषद बैठकले आगामी वैशाख १७ र २७ गते दुई चरणमा निर्वाचन गर्न जिल्लाहरु तोक्ने निर्णय गरेको थियो । जसलगत्तै प्रधानमन्त्री ओलीले निर्वाचन आयोगका पदाधिकारीसँग छलफल गरेका हुन् ।
वि.सं.२०७७ माघ २७ मंगलवार १६:४६ मा प्रकाशित
