Sansar News
२७ माघ, काठमाडौं । सरकारले आगामी बैशाखमा हुने प्रतिनिधि सभाको निर्वाचनका लागि निर्वाचन आयोगलाई ७ अर्ब रुपैयाँ रकम दिएको छ ।
मंगलबार अर्थमन्त्रालयमा आयोजित अर्धवार्षिक बजेट समीक्षामा बोल्दै अर्थमन्त्री विष्णु पौडेलले निर्वाचन आयोगलाई ७ अर्ब रकम उपलब्ध गराएको बताएका हुन् ।
यसअघि निर्वाचन आयोगले आगामी वैशाख १७ र २७ गते हुने निर्वाचनका लागि खर्च उपलब्ध गराइदिन अर्थ मन्त्रालयसँग ७ अर्ब रुपैयाँको माग गरेको थियो ।
सोमबार साँझ बसेको मन्त्रिपरिषद्को बैठकले निर्वाचन पहिलो चरणमा ४० र दोस्रो चरणमा ३७ जिल्लामा निर्वाचन गर्ने निर्णय गरेको छ ।
प्रधानमन्त्रीको सिफारिसमा राष्ट्रपति विद्यादेवी भण्डारीले गत पुष ५ गते प्रतिनिसभा संसद विघटन गरी वैशाख १७ र २७ गरि दुई चरणमा निर्वाचन गर्न निर्वाचन मिति तोकेकी थिइन् ।
यद्यपी संसद विघटविरुद्ध सर्वोच्चमा १३ वटा रिट परेका छन्, सो रिटउपर बहस जारी छ ।
वि.सं.२०७७ माघ २७ मंगलवार १८:२७ मा प्रकाशित
