हामी सबैकाे संसारन्यूज

२७ माघ, काठमाडौं । देशका विभिन्न ठाउँमा मंगलबार  ४ जना मृत अवस्थामा फेला परेका छन् ।

प्रहरीका अनुसार काठमाडौं महानगरपालिका-३२ नरेफाँटस्थित मनोहरा खोला छेउमा करिब ७ महिनाको नवजात शिशु (बालिका) मंगलबार मृत अवस्थामा फेला परेकी छिन् ।

त्यस्तै पाँचथर, फाल्गुनन्द गाउँपालिका-७ आङसराङ बस्ने ६६ वर्षीय बल बहादुर आलेमगर आफ्नै घर पछाडी मंगलबार मृत अवस्थामा फेला परेका छन् भने झापा, दमक नगरपालिका-९ अमर चोक बस्ने ४५ वर्षीय फगुला मण्डल सोही चोकमा मंगलबार मृत अवस्थामा फेला परेको प्रहरीले जनाएको छ ।

त्यस्तै रुपन्देही, सिद्धार्थनगर नगरपालिका ८ कोल्डस्टोर नजिक नालामा मायादेवी गाउँपालिका–८ बस्ने ४६ वर्षीय रुपेश बिक मंगलबार मृत अवस्थामा फेला परेका छन् ।
यस सम्बन्धमा प्रहरीले थप अनुसन्धान गरिरहेको जनाएको छ ।