हामी सबैकाे संसारन्यूज

२८ माघ, काठमाडौ । भारतको उत्तरखण्डस्थित चमोली जिल्लामा गत आइतबार हिम नदी फुटेर आएको बाढीमा परि मृत्यु भएका १० नेपालीको पहिचान भएको छ ।

हिमनदी विस्फोटपछि धौलीगंगामा आएको बाढीमा परि स्थानीय सडकमा मजदुरी गर्दै आएका दर्जनौ नेपाली, स्थानीयसहित भारतीय मजदुर बेपत्ता भएका थिए ।

उत्तराखण्डको हरिद्धार–ऋषिकेश क्षेत्रमा नेपाली समाजमा समन्वय गरिरहेका पुष्पराज पाण्डेका अनुसार स्थानीय रैनी र तपोवन क्षेत्रका सडकमा कार्यरत मजदुर तथा तपोवनस्थित नेसनल थर्मल पावर कर्पोरेनसनका कर्मचारी धेरैजसो बेपत्ता छन् ।

‘मजदुरलाई ठेकेदारले दिएको टोकन नम्बर (परिचय) का आधारमा १० नेपालीको पहिचान सम्भव भएको हो ,’ पाण्डेले फोनमा भने, ‘पहिचान खदुलेका मृतक कामदार कालिकोट र जुम्ला जिल्लाका छन् ।’ बुधबारको कान्तिपुर दैनिकमा समाचार छ ।

‘टोकन नम्बरका आधारमा पत्ता लागेका मृतकमा नरेन्द्र बहादुर, गणेश नेपाली, जगतबहादुर नेपाली, प्रताप सिंह, गोविन्द सिंह, शंकर, मकर सिंह, रणजित सिंह, मदन सिंह र रमेश नेपाल छन् । file photo