हामी सबैकाे संसारन्यूज

३० माघ, काठमाडौँ । पाकिस्तान र दक्षिण अफ्रिका बिच लाहोरमा भएको पहिलो टि-२० मा पाकिस्तानले ३ रनले जित हासिल गरेको छ ।

टस हारेर पहिले ब्याटिङ्ग गरेको पाकिस्तानले २० ओभरमा ६ विकेट गुमाएर १६९ रन बनाएको थियो । पाकिस्तानका लागि ब्याटिङ्गमा मोहम्मद जिवानले आफ्नो टि-२० करियरको पहिलो सतक जडेका थिए । उनी ६४ बल खेल्दैँ १०४ रन बनाएर नटआउट रहेका थिए । त्यसक्रममा उनले ७ छक्का र ६ चौका प्रहार गरेका थिए । त्यसैगरि बलिङ्गमा दक्षिण अफ्रिकाका लागि फेलेकुवायोले सर्वाधिक २ विकेट लिएका थिए ।

पाकिस्तानले दिएको १७० रनको लक्ष्य दक्षिण अफ्रिकाले पुरै २० ओभर खेल्दा पनि पुरा गर्न सकेन । दक्षिण अफ्रिकाले २० ओभरमा ६ विकेट गुमाएर १६६ रन मात्र बनाएको थियो । दक्षिण अफ्रिकाका लागि रीजा हेन्ड्रिक्सले सर्वाधिक ५४ रन बनाएका थिए भने पाकिस्तानका लागि बलिङ्गमा ह्यारीस रौफ र उसमान कादिरले सर्वाधिक २/२ विकेट लिएका थिए ।

जितसँगै पाकिस्तानले ३ खेलको टि-२० श्रृखलामा १ ० ले अग्रता लिएको छ ।