हामी सबैकाे संसारन्यूज

५ फागुन, काठमाडौं । मञ्जुश्री फाइनान्स लिमिटेडले ऋणपत्र बाँडफाँड गरेको छ । कम्पनीले माघ १८ गते, आइतबारबाट माघ २३ गते, शुक्रबारसम्म निष्कासन तथा बिक्री खुला गरेको ऋणपत्रको फागुन ३ गते, सोमबार बाँडफाँड गरेको हो ।

उक्त अवधिभित्र रितपूर्वक आवेदन दिएका आवेदकहरुलाई फागुन ३ गते, सोमबार बाँडफाँड गरिएको निष्कासन तथा बिक्री प्रबन्धक एनआईबिएल एस क्यापिटल लिमिटेडले जनाएको छ ।

फाइनान्सले ८ वर्ष अवधिको लागि ‘९.५ प्रतिशत, ८ वर्ष मञ्जुश्री फाइनान्स लिमिटेड डिबेन्चर २०८५’ नाममा ५० करोड रुपैयाँ बराबरको ५ लाख कित्ता ऋणपत्र निष्कासन तथा बिक्री खुला गरेको थियो । जसमध्ये फाइनान्सले सर्वसाधारणका लागि २ लाख कित्ता र व्यक्तिगत रुपमा विभिन्न संघ संस्थालाई ३ लाख कित्ता बिक्री खुल्ला गरेको हो ।