Sansar News
काठमाडौँ । लुम्बिनी विकास बैंक लिमिटेडले आफ्नो १९औं बार्षिकोत्सवको उपलक्ष्यमा विभिन्न कार्यक्रम आयोजना गरेको छ ।
बैंकले उक्त अवसरमा केन्द्रिय कार्यालय डिल्लीबजारमा रक्तदान कार्यक्रमको आयोजना गरेको छ । साथै उक्त रक्तदानमा उत्साहजनक सहभागिताका साथ रक्तदान कार्यक्रम सम्पन्न भयो । बैंकले बार्षिकोत्सवकै उपलक्ष्यमा २० बर्ष भन्दा बढी बिभिन्न तह र जिम्मेवारीमा रहि सेवा प्रदान गर्नु भएका कर्मचारीहरुलाई सम्मान समेत गरेको छ । सञ्चालक समितिका सदस्यज्यूहरु र ब्यवस्थापनको उपस्थितिमा बैंकका अध्यक्ष चिन्तामणी भट्टराई,प्रमुख कार्यकारी अधिकृत नरेश सिंह बोहराले सयुक्तरुपमा कर्मचारीहरुलाई दीर्घ सेवा पदक र मायाको चिनो प्रदान गर्नुभयो ।
बैंकका प्रमुख कार्यकारी अधिकृत नरेश सिंह बोहराले उपस्थित सम्पुर्णमा शुभ कामना सहित स्वागत मन्तब्य राख्नु भएको थियो । सञ्चालक केशव खतिवडाले शुभकामना मन्तब्य ब्यक्त गर्नु भएको थियो । साथै अध्यक्ष चिन्तामणी भट्टराईले सम्पुर्ण ग्राहक,शेयरधनी तथा कर्मचारीहरुलाई शुभकामना प्रदान गर्नु भयो ।
देशका ७ वटै प्रदेशमा शाखा सञ्चालन गरि कारोबार गर्दै आइरहेको लुम्बिनी विकास बैंक लिमिटेडको बिभिन्न स्थानहरुमा गरी ८९ वटा शाखा कार्यालयहरु तथा एक विस्तारित शाखा (एक्सटेन्सन काउण्टर) स्थापना भएको छ । यस लुम्बिनी विकास बैंक लिमिटेडले “निरन्तर सहयात्रा” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।
वि.सं.२०८३ असार २६ शुक्रवार ११:०० मा प्रकाशित
